KORONADAL CITY-Ginpahugtan pa sang South Cotabato Provincial Disaster Risk Reduction and Management Council ang ila monitoring sa ginalauman nga pag-igo ni bagyong Urduja subong nga adlaw sa bahin sang Eastern kag Northern Samar.
Sa nangin pahayag ni PDRRMO chief Mila Lorca sa interbyu sang Bombo Radyo Koronadal, apekatdo sa gihapon sang bagyo ang pila ka parte sang Mindanao kun sa diin ang South Cotabato ang isa man sa mga lugar nga maapektuhan sang malain nga paniempo.
Dugang pa sini nga apisar una na nga ginpahayag sang PAGASA nga improving ang weather conditions sa Mindanao, indi sa gihapon malikawan nga may magluntad nga landslide kag flashflood.
Ginpahanumduman man ni Lorca ang tanan nga residente sa mga low lying areas nga mangin alerto anoman nga oras kag gilayon magbakwit kun kinahanglanon.
Sa subong handa na suno pa ang nasambit nga ahensya agud nga magbulig sa mga magakinahanglan sa oras nga mag-igo na ang bagyong Urduja.
Kun madumduman una nga napagkit ang landslide sa Brgy. New Dumangas ,Tboli South Cotabato , flashflood sa Surallah South Cotabato kag kahapon naman, ang pagkanselar sang mga klase bangud sa mabaskog nga huyop sang hangin kag pagbubo sang ulan.
