KORONADAL CITY-Indi mangin problema sa subong sa Comelec ang presensya sang mga Flying voters, sa bilog nga probinsya sang South Cotabato bangud na preparahan na ini sang nasambit nga talatapan.
Ini ang nangin pahayag ni Atty.Jay Gerada, Comelec Provincial Supervisor sa ekslusibo nga interview sang Bombo Radyo Koronadal.
Suno sa iya, sa madugay na nga problema angot sa “Flying Voters” ukon ang mga naga parehistro sa masobra sa isa ka lugar para mag suporta sa isa ka politiko bangud maga usar na sila sang sistema nga ginatawag Automated Fingerprint Scanner.
Pinaagi sa ini nga systema , maregister ang fingerprint sang mga indibidwal nga naga parehistro kag makita na ini sa ila nga monitoring system para na sa mga tawo nga naga balhin sang lugar ukon maga renew sang status sa Comelec.
Sa tion nga magparehistro na ang isa ka indibidwal sa system sa Comelec, kag mag duplicate ang registration sang registrant, panason sang system ang naha-una nga datus kag i-update ang latest nga datus sang persona.
Sa sini nga pamaagi , isa lang ang datus nga marecognisar sang system kag malikawan ang madugay na nga problema sa mga “Flying Voters”.
