KORONADAL CITY- Mainit ang pagbaton sang mga pumuluyo sang San Jose de Buenavista Antique sa delegasyon sang South Cotabato kag rehiyon 12 sa nagapadayon nga Palarong Pambansa 2017.
Sa impormasyon nga ginpalab-ot ni Board member Romulo Solivio, magluwas sa ginakabig sila nga bisita, kapamilya man ang pagkabig sa mga taga-South Cotabato bangud sa espesyal nga koneksyon sang South Cotabato sa nasambit nga banwa.
Nahibaluan nga ang San Jose de Buenavista Antique ang banwa nga ginbuligan sang South Cotabato sang nagpanalasa ang Yolanda sang tuig 2013.
Ginpalab-ot sang mga opisyal sang San Jose de Buenavista Antique kag sang pila ka mga pumuluyo sa delegasyon sang South Cotabato ang ila nga pagpasalamat sa bulig nga ginpakigbahin nila.
Magapabilin nga espesyal suno pa ang maayo nga relasyon sang mga South Cotabateños kag mga Antiqueños.
