KORONADAL CITY– Malipayon nga ginbalita sang isa ka South Cotabateño gikan sa Brgy. Poblacion, Polomolok South Cotabato nga natapos na sini ang iya handom nga masaka ang pinakamataas nga bukid sa bug-os nga kalibutan.
Sa interbyu sang Bombo Radyo Koronadal kay Lennard Jan Ponce, 29 anyos nga isa man ka Overseas Filipino Worker, ginpahayag sini nga madugay na sini nga ginaplano kag gintipunan ang pagsaka sa Mt. Everest nga makit-an sa pungsod Nepal kun sa diin kaupod ang iban pa nga mga pinoy sa ila Extreme Adventure.
Dugang pa sini nga naglab-ot sa 10 ka adlaw ang ila trekking pasaka sa Majestic Mt. Everest kag ginpakigbatuan ang High Altitude Sickness antes nila nga nalab-ot ang base camp nga nagalab-ot sa 5,500 metres.
Nangin challenging suno pa ang naganipis nga hangin samtang sila ang nagasaka sa nasambit nga bukid kun sa diin napuno ini ice kag mabato man ini.
Wala suno pa sang problema sa trail bangud malapad ini apang kinahanglan nga imonitor ang breathing pattern ilabi na kag ginalauman nga sila ang maka eksperyensya sang low-oxygen sa ila pagsaka sa nasambit nga bukid.
Kun madumduman, kapin 200 katawo na ang naatay sa nasambit nga bukid nga nagtilaw nga sakaon ang tuktok sini apang wala na nakabalik pa nga buhi.
