KORONADAL CITY- Ginbatak subong sang isa ka Overseas Filipino Worker halin sa probinsya sang South Cotabato ang hayahay sang Pilipinas sa nagtakop lang nga Dance Competition sa Cook Islands nga isa ka island country sa South Pacific Ocean.
Nahibaluan nga partikular nga ginpatigayon ang nasambit nga kompetisyon sa Rarotonga island kun sa diin ginpasidunggan si Marc Pantua Rebollos, 39 anyos sang Koronadal City bilang National Dancer sang Cook Islands makaligad ini nga magkampeon.
Yabi suno pa sa iya nga kadalag-an ang pagpalangga sa kultura sang Maori people kun sa diin ang pag-angkon sang similaridad sang tribo nga T’boli sang South Cotabato kag sang Maori mangin man ang iya angkon nga talento sa pagsaot.
Suno kay Rebollos apisar indi man tuman ka dako ang premyon indi naman mabaydan ang pagkilala nga ginhatag sa iya.
Nahibaluan nga nagsugod ini bilang isa ka hardinero sa Cook Islands tubtob nga napromote kag nagsirbe man nga Tourguide.
Luyag man sini nga magsirbe nga inspirasyon sa mga kasubong nga OFW nga may yara sang angkin nga talento nga sarang mapabugal sa bug-os nga kalibutan.
