KORONADAL CITY – Ginpakigbahin sang rank 9 sa bag-o lamang naguwa nga resulta sang Licensure Examination for Teachers (LET) nga si Miss Windy Baban Basolgan, 26 anyos kag residente sang Tampakan, South Cotabato ang iya kalipay nga mangin kalakip sa mga top notchers.
Sa eksklusibo nga interview sang Bombo Radyo Koronadal kay Basolgan, ginpahayag sini nga bangud nag-gradwar siya nga cumlaude sa Green Valley College Foundation Inc. sa kurso nga Bachelor of Elementary Education, dako man ang pressure sa iya nga makapasar sa examination.
Suno kay Basolgan, sini nga tuig lamang siya nakakuha sang LET bangud nga naabtan ini sang pandemic.
Apang, nagbunga naman ang iya nga pag-review bangud nakakuha ini sang 92.80 nga average kag nangin kabahin sa mga top notchers.
Wala man ginlipod ni Basolgan nga nagsuksok ini sang pula sang adlaw mismo sang examination kag nagpati man sa mga ginasiling sang iban nga pampaswerte sa tion nga magkuha anuman nga sahi sang board exams.
Magluwas kay Basolgan, may isa pa nga taga banwa sang Tampakan nga nakasulod man sa Top otchers bilang rank 10 nga ginkilala kay Ms. Anna Marrie Muninio Agustin nga nag-gradwar naman sa Ramon Magsaysay Memorial College- Marbel.
