KORONADAL CITY- Ginapabugal subong sang probinsya sang South Cotabato ang isa ka pinay makaligad madinalag-on sini nga natapos ang Great Wall of China Marathon 2018 sa China’s famous landmark.
Ang nasambit nga pinay ang ginkilala kay Shiery Gyle Apostol Ackinserk halin sa banwa sang Polomolok, South Cotabato kag isa ka Overseas Filipino Worker nga nakapangasawa sang German national.
uno kay Shiery ang 42-kilometer race ang nagsirbe sini nga regalo sa iya kaugalingon para sa iya nga birthday kun sa diin ginakabig sini nga espesyal ang China marathon bangud indi suno pa lahog ang pagdalagan sini sang masobra 10 ka oras agud malab-ot ang 15,000th step sang Great Wall samtang bitbit ang hayahay sang Pilipinas.
Nahibaluan nga ang nasambit nga South Cotabateña ang makapila ka bes man nga nagsali sa mga marathons sa nagkalain-lain nga pungsod.
