KORONADAL CITY- Nagapangasubo subong ang pamilya sang isa ka South Cotabateña nga kalakip sa mga call center agents nga napatay sa NCCC fire sa syudad sang Davao.
Sa interview sang Bombo Radyo Koronadal kay South Cotabato Provincial Disaster Risk Reduction and Management Office Chief Mila Lorca, nakigangot na sila sa pamilya ni Rhenzi Nova Muyco, 25 anyos nga residente sang Brgy. Yangco Banga South Cotabato kun sa diin ang pamilya mismo sang dalaga ang nagkumpirmar nga kalakip ini sa 37 ka mga call center agents sang SSI nga napatay sa sunog.
Samtang tuman naman ka sakit sa buot sang pamilya sang nasambit nga biktima ang natabo bangod ini ang nagaserbi nga bread winner sang iya nga pamilya.
Sa subong, dismayado sa gihapon sila bangod indi pa nila ma-identify ang bangkay ni Rhenzi sa 37 ka mga bangkay nga narekober.
Nagalam naman sila sang bulig pinansyal halin sa pamunuan sang NCCC Mall, sa gobyerno kag sa SSI para sa pagpalubong sa nasambit nga biktima.
