KORONADAL CITY – Nakapreparar na ang mga katawhan kung ano mangin kaundan sa ika-anom kag ulihi nga State of the Nation Address (SONA) ni Pangulong Rodrigo Duterte subong nga adlaw, Hulyo 26, 2021.
Ini ang ginpahayag ni Atty. Neri Colmenares, isa ka human rights lawyer kag anay Senior Deputy Minority Leader of the 16th Congress sa interbyu sang Bombo Radyo Koronadal.
Suno sa iya, nagapati ini nga isa sa mangin kaundan sang pamulong pulong ni duterte amo ang hinimuan sang iya nga administrasyon sang tinalikdan nga lima ka tuig.
Sandig kay Colmenares, antes man nga nagpungko si Duterte sa iya nga posisyon, madamo ini sang nangin promesa sa mga katawhan, lakip na diri ang pagauntaton ang droga, panindugan niya sa West Philippine Sea kag ang ginatawag nga “Changes” o kun kabag uhan sa pungsod Pilipinas.
Nahibaluan man sang tanan nga naamat amat man ini nga nahimo sang administrasyon apang makasiling gid kita nga wala gid sang perpekto nga mga opisyal.
Dugang pa ni Colmenares, nagaekspertar gid ang mga opisyales ilabi man siya nga ang mangin pokus sa ulihi nga SONA ni Duterte amo ang iya nga nahimuan kag paghatag man sang kritiko sa nagkalain lain nga personalidad kag sa mga butang nga iya naagyan sa iya nga pagpungko bilang isa ka Pangulo sang Pilipinas.
