Paano kun isa ka adlaw, pagbugtaw mo gin-islan na ang imo kinatawo nga wala sang imo permiso?
Ini ang natabo sa isa ka lalaki sa India nga ginpaidalom sa sex change nga wala siya nakahibalo.
Ang biktima amo si Mujahid, 20-anyos nga lalaki halin sa Sanjak Village sa Uttar Pradesh.
Ang suspek amo naman si Omprakash.
Suno kay Mujahid, isa ka adlaw gindala siya ni Omprakash sa Begrajpur Medical College sa Mansoorpur matapos siya ginpapati nga may yara siya sang seryoso nga sakit kag kinahanglan siya maoperahan.
Pag-abot sa operating room, didto na ini gintublukan sang anesthesia kag samtang wala ini sang pangalibutan, didto na ini ginpaidalom sa sex change.
Sa iya pagbugtaw, nakibot nalang ini nga nagasakit ang iya kinatawo kag sang iya ginlantaw, indi na ini amo, kinatawo na sang babaye ang ara sa iya lawas.
Ang istorya gali amo nga madugay na nga luyag maangkon ni Omprakash ang duta sang mga ginikanan ni Mujahid apang mahimo niya lamang ini kun may mapakaslan siya nga bata sang mag-asawa rason nga ginplanuhan niya ini kag nakadesisyon sang amo nga butang sa bulig sang mga doktor nga iya nangin kahimbon.
Ginpilit man ni Omprakash si Mujahid nga magpakasal sa iya kag kun nagpamahog nga patyon niya ang pamilya sini kun mamalibad iya nga magpakasal.
Sa subong, nagapapadayon ang imbestigasyon kag gin-aresto naman si Omprakash.
Ginaimbestigaran man ang mga hospital staff bangud sa ila involvement.
