KORONADAL CITY- Patay ang isa ka soltero makaligad mag inject sang pangpadako sang kinatawo sa banwa sang Sto. Niño South Cotabato.
Sa impormasyon nga ginpalab-ot sa Bombo Radyo Koronadal, ginkilala ang biktima kay alyas “Tata” 22 anyos kag residente sang Surallah, South Cotabato.
Nahibaluan nga na engganyo suno pa ini sang iya nga pakaisa nga magbakal sang bulong nga injectable nga ila ginbakal sa isa ka pharmacy sa banwa sang Sto.
Niño South Cotabato.
Makaligad makabakal sang bulong, ginbuligan pa sini ang iya nga pakaisa kag 3 ka kaupod nga mag inject sang bulong sa iya nga kinatawo agud nga magdako.
Duha naman ka semana makaligad ang pag inject sang pampadako sang kinatawo, nakabatyag ini sang pagpin-ot sang dughan kun sa diin nagresulta sa kabudlay sang iya nga pag ginhawa.
Gilayon naman ini nga gindala sa South Cotabato Provincial Hospital apang wala na mahingagaw kag ginbawian sang kabuhi.
Sa subong nagapadayon pa ang imbestigasyon sa nagluntad nga insidente.
