KORONADAL CITY– Gina-istoryahan karun sa banwa sang T’boli, South Cotabato ang pag-utas sang isa ka soltero sang iya kaugalingon nga kabuhi makaligad suno pa mapaslawan sa paghigugma.
Sa ekslusibo nga interbyu sang Bombo Radyo Koronadal kay Dan Sagan, abyan sang biktima, ginkilala ang biktima kay Alyas Jo, 24 anyos nga residente sang Brgy. Lemsnolon T’boli, South Cotabato kun sa diin may yara suno pa ini sang madugay na nga ginapangaluyagan nga dalaga sa ila nga barangay apang naglain ang iya nga buot makaligad mabusted kag nahibaluan nga may iban na nga lalaki nga ginsugot ang dalaga.
Gindunganan man ang iya kapaslawan sa paghigugma sang pagkakas sa iya sa trabaho kag nagdoble ang kalain saang buot sini.
Dugang pa nga dako na suno pa ang nagasto ni Jo sa ginapangaluyagan nga dalaga kag wala sini nabaton nga iban ang ginsugot sini tubtob nga wala na sini nasarangan kag naghikog usar ang higot nga ginsab-it sa puno sang mangga.
Tuman naman ang pagpangasubo sang pamilya sang biktima samtang nagapadayon pa ang imbestigasyon sang mga otoridad sa nagluntad nga paghikog sang soltero.
