KORONADAL CITY– Ginhingadlan ni 33rd Infantry Makabayan Battalion commander Ltc. Harold Cabunoc ang isa ka opisyal sa probinsya sang South Cotabato nga ginapatihan supporter sang komunista kag rebelde nga New People’s Army sa probinsya sang South Cotabato kag Sultan Kudarat.
Sa eksklusibo nga interbyu sang Bombo Radyo Koronadal kay col. Cabunoc, ginbuyagyag sini nga si South Cotabato board member Romulo Solivio Sr. suno pa ang kabahin sang White Area Operation sang CPP-NPA-NDF nga may yara sang tatlo ka tinutuyo nga amuh ang pagpadamo sang armado nga NPA ukon Army Building, pagpalapad sang kilusang Masa o Mass Base Building kag pagapadamo sang Party Member ukon Party Building.
Gin-akusaran man sini si BM Solivio nga isa sa mga nagaduso sa mga lumad nga magrebelde sa gobyerno kag yara man sa likod sang mga hublag protesta sa probinsya.
Dugang pa ni Col. Cabunoc nga ang iya mga ginbuyagyag ang lehitimo suno pa kag base sa custodial debriefing report sang mga nagsungka nga mga NPA rebels kag mga NPA officials kag base man sa mga dokumento nga narekober sa encounter site sa Sitio Datal Bonglangon sa Brgy. Ned Lake Sebu South Cotabato.
Natalana naman nga sabton ni BM Solivio ekslusibo sa Bombo Radyo ang mga akusasyon nga ginahaboy sa iya sang militar.
