KORONADAL CITY- Indi mangin tuman ka apektado sang kalain sang paniempo nga dala ni Bagyong Henry ang SOCKSARGEN Region apang kinahanglan sa gihapon nga mag halung sa mga localized thunderstorms sa tion sang kagab-ihon tubtub sa kaagahon.
Ini ang nangin pahayag ni Mr. Benrio Biñan , PAG-ASA Gensan Weather Forecaster sa interview sang Bombo Radyo Koronadal.
Suno sa iya, mahimo nga maka-eksperyensya sa gihapon ang Rehiyon dose sang pag-ulan kag tulutalithi, apang indi ini parte sang Bagyong Henry kag sa baylo epekto sang La Niña season nga mahimo nga maekperyensyahan tubtub sa ulihi nga bahin sang tuig 2022.
Dugang pa sini, apesar nga isolated thunderstorm lamang nga ma eksperyensyahan sang mga taga-rehiyon dose, mahimo sa gihapon nga mangin tunaan ini sang landslides kag Flash floods .
Madumduman nga kahapon sang aga naghina biang isa ka LPA ang dati nga si bagyong Gardo.
Bangud Diri, nagbalik naman ang kabaskugon sang dominant weather disturbance (Henry) sa 195 kph sa diin may pagbugso nga 240 kph.
Nakit-an ini sa kalayo-on nga 430 km sa nasidlangan naaminhan nasidlangan sang Itbayat, Batanes.
