Nagadamo na ang mga scam sa social media kag messaging apps sa Pilipinas, suno sa Whoscall.
Sa report sang ikaduha nga quarter sang 2025, nagtaas sang 28% ang kahina-hinala nga mga link halin sa 13,602 sa 18,735.
Kadam-an ginapadala sa Facebook, Viber, kag Telegram pakadto sa delikado nga mga website.
76% ang pagsaka sang scam may kaangtanan sa online gambling, kag 57% naman sa mga nagapromisa sang promos kag rewards.
Nagtaas man ang peke nga pautang nga links sang 20%.
Suno sa Whoscall, ang rason sang pagdamo sang social media scams amo ang pagnubo sang text kag call scams.
Halin sa 1.28 milyon, nagnubo sa 65,035 ang text scams kag nagnubo man sang 74% ang scam calls.
Ginpahimangno sang Cybercrime Investigation and Coordinating Center nga mas mabudlay na subong nga dakpon ang mga scam nga naga-agi sa apps nga pirme ginagamit sang mga Pilipino.
