Sa padayon nga pag ululan sa SOCCSKSARGEN, padayon man ang ginahimo nga assessment sang Office of the Civil Defense Region 12 sa pipila ka mga lugar nga nakaeksperyensya sang pag bubu sang ulan.
Ini ang nangin pahayag ni OCD-12 Information Officer Jorie Mae Balmediano sa interview sang Bombo Radyo Koronadal.
Apektado ang mga lugar amo nagsuspender na sang klase lakip ang
Sultan Kudarat
- Sen. Ninoy Aquino
- Columbio
- Palimbang
- Esperanza
- President Quirino
- Bagumbayan
- Lutayan
South Cotabato
- Sto. Niño
- Surallah
- Lake Sebu
- Tboli
- Banga
- Norala
- Polomolok
- Koronadal (Kindergarten to Highschool)
- Tampakan
- Tupi
- Tantangan
Cotabato City
- Kidapawan City
- Matalam
- Kabacan
- Antipas
- Magpet
- Tulunan
- Makilala
- Arakan
- Carmen
- M’lang
Kag sa Sarangani naman nag patuman ang LGU sa bug-os nga Sarangani sang class suspension.
Suno sa iya, nagapadayon sa subong ang ila nga pamunuan sa tanan nga mga datos nagikan sa nagkalain-lain nga banwa bangud sa Easterlies nga kasamtangan nga naka eksperyensiyar sang pag ululan sa rehiyon.
Ginpahayag man sini nga ang isa nila ka mekanismo amo ang Ardana agud mamonitor ang pila ang apektado, ano ang kinahanglan sang bulig, ano nga klase sang bulig ang mapatigayon, kag kung ano nga lugar ang apektado sa isa kalamidad.
Dugang pa ni Balmediano, nagapanawagan ini nga maging alerto kag magin mahalong ilabi na sa mga pag tiphag sang duta kag pagbaha.
Iya man ginapanumdom ang pagpreparar sang emergency go bag kag pag save sang gma emergency hotline agud masiguro nga makatawag sang madason nga responde sa mga kalamidad.
Sa ulihi ang padayon nga pag athag sang ila ahensya nga makabulig agud masalbar ang kabuhi sang sin-u-man nga biktima sang ano man nga kalamidad.
