Naggasto na sang sobra P8 bilyon ang Commission on Elections (Comelec) sa padayon nga preparasyon para sa Barangay kag Sangguniang Kabataan Elections (BSKE) nga ginapatigayon sa Nobyembre 2026.
Suno kay Comelec Chairman George Garcia, daku nga bahin sang pondo ang nagasto na para sa election paraphernalia, lakip ang pag-imprenta sang mga balota.
May yara pa sang nabilin nga P11 bilyon nga pondo ang Comelec nga igamit para sa honoraria sang mga manunudlo nga magserbi sa eleksyon, training kag deployment sang mga election materials.
Ginalauman nga pagadunggan sang Senado sa masunod nga mga semana ang hagna nga ipagiway ang BSKE 2026.
Suno kay Garcia, magaatubang siya sa hearing agud ipresentar ang preparasyon sang Comelec.
Samtang, padayon gihapon ang preparasyon sang komisyon tubtob nga wala pa sang pinal nga desisyon nga kanselahon ukon ipagpaliban ang eleksyon.
Ginpahayag ni Garcia nga nagahanda man ang Comelec sang contingency measures bangod posible nga mag-ulan kag magbaha sa Nobyembre, lakip na sa tion sang eleksyon.
Kapin 70 milyon ka Pilipino ang kwalipikado nga magbotar sa BSKE 2026, base sa rekord sang Comelec.
