Nadugangan pa ang mga bakwit sa evacution centers sa Datu Odin Sinsuat, Maguindanao del Norte bangud sa padayon nga pagpangharass sang mga armado nga kalalakihan.
Sa datos nga ginpaguwa sang mga otoridad nagalab-ot na sa 860 ka pamilya ang apektado ukon 5,274 indibidwal ang kasamtangan nga nagapabilin sa apat (4) ka mga evacuation centers sa banwa sang Datu Odin Sinsuat tuga sang pagpang-gamo sang mga armado sa Coastal barangays sang banwa.
Sa ginpaguwa nga datos sang LOcal Government Unit, yari ang numero sang mga bakwit sa tagsa ka mga evacuation centers:
1. Sarilikha National High School – 316 Families
2. Broce Elementary School – 337 Families
3. Dinaig Elementary School – 151 Families
4. Tamontaka Chapel – 75 Families.
Sa kasamtangan nakabaton na sang ayuda ang mga ini kasubong sang pagkaon kag non-food items gikan sa LGU Datu Odin Sinsuat kag MSSD BARMM.
Padayon man ang panawagan sang mga bakwit nga magtahaw na ang tensiyon agud makabalik na sila sa ila mga panimalay.
