-- ADVERTISEMENT --
Ginpasiguro sang BFAR nga indi maputol ang paghatag sang ₱3,000 fuel subsidy sa mga manugpangisda sa bug-os nga pungsod bilang proteksyon batok sa epekto sang tensyon sa Middle East.
May yara na sang sobra 10,000 ka manugpangisda ang nakinbenepisyo sang nasambit nga ayuda.
Nag-koordinar naman ang BFAR sa Development Bank of the Philippines (DBP) agud mapadasig ang pagpagwa sang dugang pondo.
Sa idalum sang Fuel Assistance Program, kada kwalipikado nga manugpangisda magabaton sang one-time nga ayuda pinaagi sa cash card ukon voucher, labi na sa mga naga-estar sa malayo sa gasolinahan.
Gin-anunsyo man sang Department of Agriculture (DA) nga isusunod ang fuel assistance para sa mga magsasaka nga nagadepende sa paggamit sang makinarya sa ila uma.
