Positibo sa lead kag kontaminado sang E.coli ang pila ka tonelada sang smuggled nga mga utan nagikan sa China.
Nahibaluan nga narekober ang nasambit nga mga utan sa isa ka warehouse sa Navotas City sang Agosto matapos natukiban nga wala sang sanitary kag phytosanitary import clearance.
Suno kay Bureau of Plant Industry Plant Product Safety Division chief William Mugot, wala mag agi sa husto nga proseso ang pagsulod sang amo nga mga utan kag wala mahibaluan kun sa diin ini nagikan.
Sa pag-test sini natukiban nga kontaminado sang pesticides kag heavy metals, kag peligruso sa ikaayong lawas sang konsumedor.
Panugyan sang opisyal, likawan ang pagbakal sang smuggled nga mga produkto bangud wala sang mga ini mahibaluan kun paano ini gina-produser kag indi masiguro kun luwas ini nga konsumuhon.
