Dead on the spot ang isa ka Barangay SK official sang Milaya sa banwa sang Midsayap matapos nga maaksidente subong nga aga, Enero 25, 2025 sa Barangay LIliongan, Carmen, Cotabato.
Ginkilala ang biktima nga si Jolyvin Saliling Angganta, 25 anyos, binata kag SK official sa nasambit ng lugar nga ginamaneho ang Rusi Motorcycle nga duag pula samtang ang driver naman sang forward truck si Johny Sabuero Estañol, 62 anyos, may asawa, kag residente sang nasambit nga lugar.
Sandig sa inisyal nga imbestigasyon nga mga otoridad, pasado alas-7:40 sang aga, padulong kuntani si Angganta sa Sitio Makatak-tak kag ang Truck naman padulong sa Sitio Pulang Balay.
Nagbanggaanay ang duha ka salakyan sa nasambit nga dalanon kag bangud sa kakusog sang impact sang pagkabangga nagpaidalom ang motorsiklo sa truck samtang nagtabog naman si Angganta nga nakaagom ini sang pilas sa lawas amo nangin rason nga ginbawian ini sang kabuhi.
Sa karon, padayon naman ang imbestigasyon sang mga otoridad sa nagluntad nga aksidente kag gindala na sa Carmen Municipal Police Station ang mga behikulo para sa disposisyon.
