KORONADAL CITY- Arestado ang isa ka lalaki makaligad nga ini ang nadakpan nga maghana kun tani magpasulod sang yara sa 10 gramo nga ginpatihan nga shabu sa South Cotabato Rehabilitation and Detention Center.
Ini ang ginpahayag ni PG3 Lory Celeste, ang OIC- Jail Warden sang South Cotabato Rehabilitation and Detention Center sa interbyu sang Bombo Radyo Koronadal.
Suno kay Celeste, ang lalaki ang ginkilala kay Ian Mark Flores nga residente sang Sto. Niño, South Cotabato.
Ginpahayag sang opisyal nga ang mga sachet sang shabu ang ginbutang pa sa mga bote sang nail polish nga ihatag kuntani sa mga preso nga LGBTQ kag babaye sa sulod sang Jail.
Bangud sa hugot nga protocols nga ginpatuman magsulod pa lamang sa jail, gilayon nga nadakpan kag naaresto ang suspek nga sa karon nagapabilin ini sa kostudiya sang mga kapulisan.
Nahibaluan nga yara sa halos P70,000 ang market value sang nakumpisak nga illegal nga droga.
Sa karon, nagapadayon ang strikto nga implementasyon sa pagpasulod sang dalaw sa jail agud malikayan na ang ini nga mga illegal nga hilikuton.
