Siyam (9) ka tawo na ang napatay sa bag-o nga pagsugod sang ‘Marburg’ virus, isa ka delikado nga klase sang virus nga pareho sang Ebola, suno sa World Health Organization (WHO).
Samtang, 10 ka tawo na ang na-infect sang virus sa Tanzania, kun sa diin ginreport ang outbreak sang nagligad nga semana.
Sa mga kaso nga ini, ang virus nagapakita sang 90% nga mortality rate.
Nahitabo ang nasambit nga outbreak sa rehiyon sang Kagera sa bahin sang Tanzania, isa ka lugar nga may mga tatlo ka milyon nga populasyon.
Tungod sang madali nga akses halin sa pangunahing airport sa Dar es Salaam, nagkabalaka ang mga eksperto nga basi maglapta pa ang virus.
Samtang, ginamonitor na sa karon ang 281 ka tawo nga ginapati nga nakasugata sang mga infected nga indibidwal.
