KORONADAL CITY– Desidido nga magsang at sang reklamo ang Sitio Kagawad sang Sitio Butlihik, Brgy. Kimato, T’boli, South Cotabato sa Sitio Leader sang Sitio Candog, Brgy. Maculan sa nasambit nga banwa.
Ini matapos nga ginpanglabo sa nagkalain-lain nga bahin sang iya nga lawas usar ang “lagaraw” kag tunaan sang dyutayan nga pagkapugot sang iya ulo apang maswerte na lamang nga nasagang sini kag nakaluwas.
Ginkilala ang biktima nga si Wilson Legal, 36 anyos kag 1st Sitio Kagawad sa nasambit nga lugar samtang ang suspek si Avelino Galoyan ang Sitio leader sang Sitio Candog Brgy. Maculan, T’boli.
Suno sa panalaysayon sang biktima sa eksklusibo nga interbyu sang Bombo Radyo Koronadal, ginpahayag sini nga gikan siya sa uma sang nag agdahanay sang imnanay kaupod ang supek kag iban pa.
Sa tunga sang imnanay, wala sang rason nga ginpanglabo ini kag naigo sa ulo, kamot kag liug sini.
Maswerte naman nga wala napuruhan sa liug matapos nga masagang sini.
Sa subong padayon nga ginapangita ang Sitio leader kag desidido suno pa ini nga magpasaka sang kaso.
