Indi na mabilang ang mga sirena kag halos kada 10 minutos may mabatian nga lupok bangud sa mga nagalupad nga mga missiles.
Ini ang pahayag ni Anne Anne, Bombo International News Correspondent sa Bahrain, sa exclusive interview sang Bombo Radyo Koronadal.
Suno kay Anne, tuman ang kahadlok nga ginbatyag niya kag sang mga kaupod niya nga OFWs sa Bahrain bangud sa padayon nga baylohanay sang mga missile attack sang duha ka pungsod.
Ginpabutyga man niya ang kahadlok nga mag-evacuate ukon maguwa sa ila shelters bangud indi matumod kun san-o magtupa ang mga debris ukon mga bag-o nga missile bursts.
Suno pa kay Anne, ang tanan nga attacks, mabatian sang Bahrain bangud yara ini sa tunga sang mga nagakontrahanay nga pungsod sang Iran kag Israel.
Gindugang pa niya nga padayon sila nga nagapanago sa ila tagsa-tagsa ka shelters agud masiguro ang ila kaluwasan kag malikawan ang peligro sang mga pag-atake.
Nagpanawagan man si Anne sa kasubong niya nga OFWs nga magpabilin nga kalmado agud malikawan ang pagpanic bangud ginahimo man sang gobyerno sang Bahrain ang mga tikang agud makontrol ang sitwasyon.
