KORONADAL CITY- Ginkwestyon sang isa sa mga kritiko ni Pres. Rodrigo Duterte ang sinseridad sini sa peace talks sa tunga sang gobyerno sang Pilipinas kag komunista kag rebelde nga NPA.
Sa interbyu sang Bombo Radyo Koronadal kay Bayan Muna Representative Carlos Isagani Zarate, makadto lamang sa wala ang ginpangabudlayan sang mga yara sa likod sang peace talks nga malayo na suno pa ang nalab-ot humalin sang ginbuksan sa liwat ang peace talks kag gulpi na lamang nga ginbawi sang presidente sa iya ikaduha nga SONA kahapon.
Pahayag sini nga dapat suno pa nga ipadayon ang peace negotiation bangud may yara pa sang nagapadayon nga kinagamo sa tunga sang tropa sang gobyerno kag komunistanga grupo kun sa diin madamo sang indibidwal na ang nadulaan sang puluy-an kag palangabuhian bangud sa nagapadayon nga kinagamo.
Dugang pa sini nga kun seryoso suno pa ang presidente kag administrasyon dapat indi lang ang pag surrender sang grupo ang pagatutukan apang mangin man ang pagpasar sang matuod-tuod nga agenda.
