Ginpanginwala sang singer nga si Pink ang mga huring-huring nga bulaganay na sila sang iya bana nga si Carey Hart.
Nagpaguwa sang video statement ang singer kag ginpanginwala ang isyu.
Madumduman nga nagkilalahay ang duha sang 2001 sa Summer X Games sa Philadelphia.
Ginpatigayon ang marriage proposal sang 2005, kag nagpakasal sila sa Costa Rica sang Enero 2006.
Una na sila nga nagbulagay sang 2008, apang nagbalikanay matapos ang isa ka tuig kag ginpanindugan ang ila relasyon.
May duha sila ka kabataan nga sanday Willow, 14-anyos kag si Jameson nga 9-anyos.
Kilala si Pink bilang isa ka award-winning artist nga nakabaton sang pila ka Grammy Awards kag may yara sang madamo nga hit songs sa bug-os nga kalibutan.
Samtang si Hart naman isa ka professional motocross racer kag negosyante.
