KORONADAL CITY – Nagpaandam ang Diocese of Marbel sa suno pa nagalapta nga peke nga solicitation letter nga pirmado ni Bishop elect Cerilo Casicas kag outgoing bishop Dinualdo Gutierrez.
Ang nasambit nga sulat ang natukiban matapos nga may ginpadala sa talatapan ni South Cotabato Vice Governor Vic De Jesus.
Kaundan sang sulat ang impormasyon angot sa pormal nga pagresign ni Bishop Gutierrez nga ginbaton na ni Pope Francis sang Abril 28,2018 kag ang pag-appoint naman kay Bishop elect Casicas.
Sa nasambit man nga sulat, nagahingyo suno pa si Bishop elect Casicas sang bulig o donasyon agud nga ibakal sang Bishop ring sini kag iban pa nga kinahanglanon para sa iya nga installation rites.
Nahibaluan nga ang sulat nga ginpadala sa Bombo Radyo agud magserbe nga paandam sa mga nakabaton sini ang ikanapulo na rason nga nabalaka ang simbahan.
Kaangot sini, nagahingyo sang bulig ang simbahan nga buligan sa pagdesiminar ang impormasyon nga peke ang amo nga solicitation letter.
