KORONADAL CITY- Pabor si South Cotabato Governor Daisy Avance-Fuentes sa shoot to kill order ni South Cotabato Jail warden Juan Lanzaderas batuk sa 2 ka mga notoryus kag panibag-o nga mga pugante sa South Cotabato Detention Facility kahapon sang kaagahon nga sanday Oting Mando sang Poblacion, Lambayong, Sultan Kudarat nga may kaso kaangot sa iligal nga droga kag Andy Evangelista sang Norala, South Cotabato nga may kaso nga 3 counts of motornapping.
Sa ekslusibo nga interbyu sang Bombo Radyo Koronadal sa Gobernadora, ini ang mangin sabat sa ginhimo nga paglagyo sang nasambit nga kriminal apang sa pihak sang shoot to kill order nagakadapat suno pa nga sundon sang mga otoridad ang Standard Operating Procedure.
Kaangot sini, ginahatagan sang 3 ka adlaw nga deadline sang gobernadora ang mga jail guards agud mapabalik sa liwat ang mga nagpalagyo nga mga inmates bag-o pa man ipagwa ang resulta sang imbestigasyon kun sin-o ang nagakadapat nga manabat sa pagpalagyo sang mga ini.
Nagapati naman ang gobernadora nga may kakulangan ang mga onduty nga jail guards sa pagpuga sang mga kriminal.
