KORONADAL CITY- Narekober sang gintingob nga pwersa sang 19th Infantry Battalion kag 6th Infantry Battalion ang ipila ka pakete sang shabu kag mga bomba sa ginpatigayon nga combat strike operations batuk sa masobra 20 ka mga local terrorist sa boundary sang Brgy. Kuden kag Brgy. Brar, Datu Anggal Midtimbang sa probinsya sang Maguindanao.
Nahibaluan nga ang nasambit nga grupo ang mga ISIS inspired local terrorist group nga nagatuga sang kalakasan kag pagpanghadlok sa mga residente sa lugar.
Dugang pa nga ang nasambit nga operasyon ang resulta sang focused kag intensified military operation batuk sa local terror groups sa Central Mindanao kag kampanya batuk sa iligal nga droga.
Makaligad ang nasambit nga operasyon, nakakumpiskar man ang militar sang mga high powered firearms matapos ginreport sang isa ka residente nga may mga ginatago nga armas sa isa ka lugar sa Datu Piang Maguindanao kun diin ginapatihan nga gintago ini sang mga local ISIS sympathizers matapos mabulabog ang ila nga kuta sa nasambit nga probinsya.
