KORONADAL CITY- Nagapadayon ang imbestigasyon sang kapulisan may kaangtanan sa nagluntad nga kamatayon sang isa ka senior citizen makaligad mag check in sa lodging house kaupod ang isa ka 18 anyos nga single mom nga partner sini sa syudad sang Koronadal..//Ginkilala lamang ang nasambit nga senior citizen kay ‘Ambrocio’ samtang ang partner sini ang ginkilala kay alyas ‘Maria’.
Sa panaysayon sang iya nga partner, 30 minutos suno pa makaligad ang ila nga pag check in sa hotel sang nagpanghimos na si Maria sa C.R sang nasambit nga inn sang gulpi na lamang ini nakabati sang paglagubo rason nga ginkakibot niya ini.
Nakita sini si Ambrocio nga naka T-shirt kag naka brief lamang nga nagaluhod kag halos indi makaginhawa.
Gilayon nga nagpangayo sang bulig si Maria sa Crew sang nasambit nga inn kag gilayon nga gindala ini sa pribado nga balay bululngan.
Pag abot sa ospital, gindeklarar ini nga Dead on Arrival sang attending physician.
Ginalantaw naman nga anggulo amuh ang Cardiac arrest apang ginpaidalum pa ini sa Post Mortem examination agud nga mahibaluan ang matuod-tuod nga kabangdanan sang kamatayon sang nasambit nga senior citizen.
