KORONADAL CITY– Nagresulta sa kamatayon sang isa ka senior Citizen sa banwa sang Polomolok, South Cotabato kasunod sang ginbuy-an nga mandato ni President Rodrigo Duterte nga ipasirado ang tanan nga operasyon sang Kabus Padatuon ukon KAPA Community Ministry International Inc. ni Joel Apolinario.
Suno sa report sang Polomolok PNP, tuman suno pa ini nga ginkasubo sang biktima nga ginkilala kay Percival Alojado, 76-anyos kag residente sang nasambit nga lugar.
Ini ang kasunod sang ginhulog nga kwarta sang biktima nga naglab-ot suno pa sa P400,000 samtang ginbuyagyag man sang bata sang biktima nga si Ambrose Alojado, nga halos P1 Million ang kabug-usan nga gin-invest nga pera sang ila nga pamilya sa KAPA.
Kaangot sini, tuman suno pa nga naka-apekto sa ikaayong lawas sang tigulang ang nasambit nga balita rason nga ini an gin-atake sa kurason kag napatay.
Sa karon, panawagan sang nabilin nga pamilya sa gobyerno nga buligan sila agud nga mabalik pa ang ila nga kwarta nga ginhulog KAPA.
Tuman man ang kasubo sang pamilya Alojado sa kamatayon sang ila nga amay.
