Wala na nagkomento si Senate President Francis “Chiz” Escudero sa nagagwa nga plano nga sipa-on sia sa iya posisyon.
Suno kay Escudero, magapabilin ini nga espekulasyon tubtob nga maggwa ang ebidensya nga nagasuporta sa pagbag-o sang liderato.
Ginpunto man ni Escudero nga mangin si Senate President Pro Tempore Jinggoy Estrada nga na-angut sa huring-huring, ang nagpanginwala na sa involvement sini sa gina-alegar nga plano.
Ginkwestiyon man sang Senate chief ang importansya sang pag-discuss sa amo nga huring-huring nga ginbase sa denial kag gin-emphasize nga indi sia magsabat sa wala gin-verify nga mga pahayag.
Ginpahayag man ni Escudero nga ang Senate President kag committee chairpersons ang nagaserbe base sa kagustuhan sang mayoriya kag mahimo nga ma-islan anuman nga tion samtang yara sa session ang Kongreso.
Gindugang man niya nga ang ini nga huring-huring ang kabahin sang “political noise.
Una naman nga ginpanginwala nanday Senators Loren Legarda kag Cynthia Villar ang ila involvement sa rumored plot nga papanaugon sa posisyon si Escudero.
