Senador Revilla, ginhingadlan nga nakabaton man sang porsiyento sa maanomalya nga proyekto

Liwat nga naglapta sa social media ang mga laragway nanday Senador Bong Revilla kag anay district engineer Henry Alcantara kag anay assistant district engineer Brice Hernandez samtang nagainspeksiyon sa construction sang flood control projects sa Paombong kag Hagonoy sa Bulacan sangn tuig 2023.

Ang nasambit nga mga laragway ang ginpost sang Department of Public Works and Highways (DPWH) Regional Office III bilang kabahin sang report sa personal nga pagbista sang opisyal sa nasambit nga mga proyekto.

Naguwa ang mga laragway nga ini matapos ang alegasyon ni Alcantara sa hearing sang Senate Blue Ribbon Committee nga nagbaton si Revilla sang kickbacks sa mga proyekto.

Sa subong, wala pa sang pahayag ang anay senador sa alegasyon nga ini.