Nagpanawagan liwat si Sen. Migz Zubiri nga pasangkadon ang pag-access sang mga kabataan sa social media kasunod sang bag-o nga insidente sa isa ka buluthuan sa Zamboanga City.
Sa iya social media post sang Agosto 18, nagpahayag si Zubiri nga dapat ipagbawal ang social media sa mga kabataan bangud sa kabalaka sa epekto sang bayolente kag makahalalit nga online content.
Sang Hunyo, nagpahayag man siya sang suporta sa pagdiskusyon nahanungod sa pagdumili ukon hugot nga paglimitar sang social media access sang mga menor de edad.
May gin-file man nga Senate bill nga nagapanukot nga dumilian ang mga bata nga wala pa naga-16 anyos sa pag-access ukon paghimo sang social media accounts.
Lakip sa ginakonsiderar ang mas hugot nga age verification kag mga tikang para sa online safety sang mga kabataan.
Apang, ginpahanumdom sang mga eksperto kag mamalidha nga indi dapat awtomatiko nga basulon ang social media bilang amo lamang nga kabangdanan sang indi maayo nga pamatasan sang kabataan.
Kinahanglan man tagdon ang suporta sang pamilya, mental health, safety sa eskwelahan, responsable nga pag-parent kag access sa makahalalit nga materyales.
Para sa mga nagasuporta sang tikang, ang importante amo ang paghimo sang mas luwas nga digital nga palibot agud maproteheran ang kaayuhan sang mga kabataan.
