Ginpahayag ni anay Senator Leila De Lima nga ang drug war model nga ginpatuman sang Duterte administration ang ginsunod sa notorious Davao Death Squad nga gina-alegar ginhimo ni anay Presidente Rodrigo Duterte sang siya pa ang alkalde sang Davao City.
Si anay presidente Duterte ang may codename nga superman.
Sa pag-atubang ni De Lima sa House Quad Comm, iya ginpahayag nga ang reward system ang gin-gamit para hatagan sang reward ang pagpamatay sa Davao City nga ginpasanyog sa bug-os nga pungsod sang nag-assume na bilang Presidente si Duterte.
Gin-paathag man ni De Lima nga ang DDS ang nag-operate sang duha ka beses , sang tuig 1988 tubtob 1998 sang ma-elihir ini bilang alkalde.
Gina-alegar ang mga hit-men sang DDS amo ang mga anay rebel returness kag PNP officers kun sa diin sila ang ginabayadan sang P15,000 kada pamatay.
Sa nasambit nga kantidad, P5,000 diri ang makadto sa police handlers samtang ang P10,000 ang ihatag sa assassins.
Liwat nga nag-operate ang DDS sang 2001 tubtob 2016 kag nahimo nga isa ka organized unit na sa idalom sang Heinous Crimes Investigation Section sa idalom sang Davao City Police Office.
Ginbulgar man ni De Lima nga ang ila nga safehouse ang makit-an sa sulod sang NAPOLCOM compound.
Dugang pa ni De Lima, nagakitaay ang mga miyembro sang DDS sa ila nga safehouse matapos ang ginahimo nga summary execution kag diri nila gina-divide ang reward.
Suno kay De Lima si Duterte mismo ang direkta nga nagahatag sang mandu kag reward sa mga assassins.
Gin-alegar gin-gamit man ni Duterte ang Davao system nga barangay -based lists sang mga biktima kon sa diin ginamanduan ang mga barangay officials nga hibaluon ang mga drug offenders sa ila nga komunidad.
Dugang pa ni De Lima nga ang DDS ang isa ka grupo sang mga killers nga highly-structures kag suportado sang mataas nga opisyal.
Gin-engganyo man ni De Lima ang mga mamalidha nga i-konsiderar ang findings sang CHR partikular ang testimoniya sanday Matobato kag Lascanas nga makabig nga crucial evidence
