KORONADAL CITY-Ginpromisa ni Sen. JV Ejercito nga pagadal-on sini sa senado ang tingog sang mga South Cotabateños ilabi na ang luyag sa pagpalawig pa sang Martial Law declaration sa isla sang Mindanao.
Kadungan sang pagtakop sang selebrasyon sang 18th Tnalak Festival kag 51st Foundation anniversary sa probinsya sang South Cotabato, direkta nga ginkuha sang senado ang pulso sang mga South Cotabateños angot sa gihapon sa mas nagainit nga isyu sang Martial Law extension nga ginaduso sang pila ka mga mamalidha kag ilabi na ni Pres. Rodrigo Duterte.
Wala naman sang pagpangduha-duha nga Martial Law extension ang luyag sang mga taga South Cotabato bangud mas nabatyagan sang mga pumuluyo ang pangin luwas sa katalagman ilabi na sa pamahog sang terorismo sa lugar.
Nahibaluan nga pila man sa mga opisyal sa probinsya ang pabor sa Martial Law ilabi na sa kasuldaduhan bangud indi malipod nga may yara sa gihapon sang nagaluntad nga recruitment kag presensya sang nagkalain lain nga grupo ilabi na sa mga nabukid nga bahin sang South Cotabato.
