Nagpanawagan si Senador Sherwin Gatchalian sa gobyerno nga magpreparar sang supplemental budget agud maproteksyunan ang mga Pilipino sa epekto sang nagapadayon nga tensyon sa Middle East.
Suno kay Gatchalian, mahimo nga kinahanglanon ang dugang nga P60 bilyones tubtub P400 bilyones agud mapadayon ang mga programa sa social amelioration kon magdugay pa ang krisis.
Ginsuhestyon man sini ang posibilidad sang Bayanihan 3, lakip na ang loan reprieve kag temporaryo nga moratorium sa credit card interest.
Ang Senate PROTECT report nga ginsumiter sa Malacañang Palace ang nagarekomendar sang targeted aid kaangay sang P1,500 nga binulan nga bulig para sa 5 milyones ka minimum wage earners kag MSME workers, kag dugang nga bulig para sa 3.5 milyones ka benepisyaryo sang Pantawid Pamilyang Pilipino Program (4P’s).
Lakip man sa nasambit nga hagna ang P3,000 nga bulanan nga bulig para sa 1.4 milyones ka imol nga pamilya kag pagpasangkad sang Walang Gutom Program para mapasanyog ang seguridad sa pagkaon.
