KORONADAL CITY – Tuman nga ginkalipay ni Senador Ronald “Bato” dela Rosa ang pagkaaresto sang mga otoridad sa ginakabig nga bombing suspect sa banwa sang Isulan, Sultan Kudarat nga nagpatay sang duha ka tawo kag ginkapilas sang iban pa sadtong tuig 2018.
Sa eksklusibo nga interbyu sang Bombo Radyo Koronadal kay Senador dela Rosa, mas maayo suno pa nga bitayon ang suspek nga si Norhasim Esmail bangud sa mga serye sang pagpamomba sang nakaligad nga mga tuig nga nagtuga sang kahadlok sa mga pumuluyo.
Wala man sini nalikawan nga magpabati-bati sa sitwasyon sa Luzon kun sa diin ang ginahimo nila amo ang kontrahon ang Anti-Terror Bill apang wala naman nakaeksperyensiya sang mga pagpamomba, samtang nagapaningkamot sila sa paghimo sang mga hagna kag balaod agud makontra ang nasambit nga mga kalakasan.
Sa pihak nga bahin, mag-isahanon naman nga pagasaulogon sang mamalidha ang Father’s Day buwas nga adlaw pinaagi sa pagpreparar sang tinola nga manok labi na nga yara sa Manila ang iya asawa kag mga kabataan.
Wala man ini nagpaulihi sa pagsinggit sang Basta Radyo, Bombo.
