Ginpabutyag ni Provincial Information Officer sang South Cotabato nga si Krez Cabaylo nga ang selebrasyon sang Tnalak Festival padayon nga nagahatag pasidungog sa nagkalain-lain nga Tribu ilabi na sa tribo sang Tboli, nga ginakabig pundasyon sang kultura sang probinsya kag naghatag kabug-usan sa identidad sang South Cotabato bilang “Land of the Dreamweavers.”
Suno kay Cabaylo, ang T’nalak cloth, nga ginahimo paagi sa mga disenyo nga ginadamgo , amo ang literal kag simboliko nga sentro sang piyesta.
Madumduman nga isa sa mga dako nga butang para sa probinsya ang makilala sang national government ang pipila ka mga indibidwal sang tribo patas sanday Lang Dulay kagg Fu Yabing Masalon Dulo nga ginkilala kag nakabaton sang national awards kag ginakabig mga bantog nga nagatatap sang kultura kag tradisyonal nga sining.
Ginpunto ni Cabaylo nga ang T’nalak Festival ginahiwat indi lang para sa kasadyahan kundi ang pagdumdum kag pasidunggan ang kultura nga naghatag kabuhi sa tela kag kultura .
Kabahin sa mga highlight sang piyesta amo ang mga cultural performances, dance competitions, singing contests, food strips.
Pinaagi sa padayon nga suporta sang provincial government, ginalauman nga ang selebrasyon magapadayon nga mangin paandam sang kultura, pagpasidungog sa katutubo, kag pagkahiliusa sang tanan nga katawhan sang South Cotabato.
