KORONADAL CITY- Apektado sang nagluntad nga Bomb Attack ang selebrasyon sang Eid Al Adha sa syudad sang Koronadal.
Ini makaligad talalupangdon nga wala sang tuman ka dako nga pagtililipon nga ginapatigayon ang Muslim Community sa syudad indi kasubong sang nakaligad nga mga tuig.
Nahibaluan nga mas ginpili na lang sang pila ka mga kauturan nga Muslinm nga makaangkon sang mga pribado nga pagtililipon sa baylo nga magpadulong sa pampubliko nga mga lugar agud nga iselebrar ang Eid Al Adha ukon Feast of Sacrifice agud mapasiguro ang ila kaluwasan batuk sa mga malain nga elemento nga posible magpalapnag sang kinagamo sa ginapatigayon nga selebrasyon.
Apang sa pihak nga bahin, temprano pa nga nagpadulong sa mga Moske ang mga kauturan nga Muslim para sa Sambayang ukon pangamuyo para kay Allah bag-o pa man ipatigayon ang mga selebrasyon para sa ila nga mga puluy-an kag mga pribado nga lugar.
Nahibaluan nga makaligad ang nagluntad nga IED explosion sang nakaligad nga adlaw, naglikaw sa dalagkuan nga pagtililipon ang pila sa mga Muslim sa syudad bangud sa kahadlok nga basi mangin target ang isa sa mga pinakadako nga selebrasyon sa Islam apang suno kay South Cotabato Muslim Affairs Chief Sultan Mutalib Sambuto ang Eid Al Adha ang dapat mangin isa ka pamaagi agud maghugpong ang tanan kag makaangkon sang kalinong.
