KORONADAL CITY– Nakalupot na sa presuhan subong ang isa ka retired army sa Isulan Municipal Police Station matapos gintiro patay sini ang isa ka security guard nga kaugalingon man sini nga hinablos.
Ang suspek ang ginkilala kay Edwin Ligas, 57 anyos kag isa ka retirado nga soldado nga residente sang Prk. Tagumpay Uno, Brgy. Kalawag 2 Isulan,Sultan Kudarat samtang ang biktima si Gerry Lustria, 38 anyos isa ka security guard nga residente man sang nasambit nga lugar.
Sa imbestigasyon sang Isulan PNP, nagaimananay suno pa ang biktima kaupod ang 4 pa sini nga kaupdanan kag nagasinggit suno pa ini sa dalan apisar tungang gab e na.
Bangud sa kagahod suno pa sang biktima, ginsita ini sang suspek kag ginhamnalan nga hinayan ang boses bangud madalum na ang gab e.
Matapos ini nga ginsita nangakig suno pa ang biktima kag nginpalapitan sini ang tiyu agud nga sumbagon apang naunahan ini kag nagbunot suno pa sang cal. 45 nga pistola kag gintiro ang biktima sa tiyan.
Nakadalagan suno pa ang sekyu sa balay sini apang ginsundan pa kag liwat nga gintiro sa iya likod nga naglapos pa sa dughan.
Gilayon nga gindala sa balay bululngan ang biktima apang gindeklarar nga Dead on arrival.
Samtang naghana pa suno pa nga magpalagyo ang suspek apang gilayon man ini nga natikma sang Isulan PNP.
Sa subong desidido suno pa ang pamilya sang biktima nga pasakaan sang kaso ang retired army.
