KORONADAL CITY – Nagpasalamat sa Mahal nga makaako si Kenneth Corpuz, ang gold medalist sa 400 meter run matapos nga naangkon sini ang medalya kaina sang aga kag nadugang sa medal tally sang Region 12.
Suno kay Corpuz nga residente sang Brgy. Liberta, Surallah, South Cotabato, ginhimo niya lamang ang iya nga best agud magdaug kag nagpursige nga magtraining sang insakto.
Kinahanglan man suno pa nga may disiplina sa kaugalingon kag indi maghimo sang malain agud nga mnagmadinalag-on.
Bangud nga gold medalist ini makabaton sang P15 mil pesos si Kenneth bilang incentive gikan sa DepED-12 kag P10 mil pesos naman gikan sa provincial government sang South Cotabato..// Suno sa iya, igahatag niya sa iya ginikanan ang nabaton nga kwarta kag magapain man para sa iya kaugalingon.
Samtang, ginalauman nga magahatag pa ini sang dugang nga medalya bangud may duha pa ka event ini sa Athletics nga nabilin.
