KORONADAL CITY – Gin admiter sang kampo ni Tokyo 2020 Olympic Gold medalist Hidilyn Diaz nga may mga naga pangayu na sa iya nga pila ka mga grupo antes pa nga nadaug ini sa prestihiyoso nga Olympiyada.
Ini ang nangin pahayag ni Councilor Bong Atilano,Former Coach ni Hidilyn Diaz sa interview sang Bombo Radyo Koronadal.
Suno sa kay Councilor Atilano, ginapreparahan naman sang lokal nga gobyerno sang Zamboanga ang seguridad sang Gold Medalist sa pagpuli sini sa ila nga puluy-an sa Barangay Mangpang, Zamboanga City.
Ginpakigbahin man sini nga antes pa ang Tokyo Olympics, ginapangayu-an na sang pila ka mga grupo ang atleta partikular na sang tuig 2016 kun sa diin silver medal pa si Hidilyn.
Bangud sa kabalaka sang siguridad sang Gold Medalist nagpabutang na sang dettachment sang pulis malapit sa balay sini para ma proteheran si Hidilyn kag ang iya nga pamilya batok sa mga grupo nga maga guba sang kalinong sa ila nga pamilya.
