KORONADAL CITY- Ginpahugtan subong ang seguridad sa nagkalain lain nga mga moske sa probinsya sang South Cotabato kadungan sang pagsugod sang Holy Month of Ramadan.
Suno kay Koronadal City Grand Mosque Administrator Datu Abdul Rauf Dikampong,ginalauman nga mas magadoble pa ang numero sang mga Muslim nga magapadulong sa mga moske ilabi na sa syudad sang Koronadal para sa obserbasyon sang Ramadan.
Kaangot sini, mas ginpahugtan pa sang Koronadal City PNP ang monitoring sa mga moske agud indi makalusot ang mga may plano nga magpalapnag sang kinagamo.
Nahibaluan nga nangin leksyon naman ang pila ka panghitabo sa iban nga mga lugar kun sa diin indi lamang mga simbahan kag pampubliko nga mga lugar ang ginatarget sang mga terorista apang mangin man ang mga moske.
Kaangot sini gin-awhag man ni Dikampong ang mga kasubong nga Muskim nga ipalapnag lamang ang paghigugmaanay sa isig katawo kag likawan kag kakason ang mga malain nga buluhaton indi lamang subong nga Ramadan apang sa adlaw-adlaw nga pagpangabuhi.
