KORONADAL CITY – Mas ginpahugtan subong sang Isulan PNP ang ila seguridad kasunod sang pagkadakop sang prime suspect sa nasambit nga banwa nga ginkapatay sang duha ka tawo kag ginkapilas sang kapin 30 nga iban pa duha ka tuig na ang nakaligad.
Suno kay Isulan PNP chief of police Lt. Col. Modesto Carrera sa interbyu sang Bombo Radyo Koronadal, nakaalerto sila subong labi na nga ginalauman ang pagpanimalos sang BIFF local ISIS group makaligad nadakpan ang prime suspect sa pagpamomba nga si Norhasim Esmail alyas Momong Esmail, 25 anyos nga residente sang Maguindanao.
Dugang ni Carrera, nakig-angot na sila sa Philippine Army agud madugangan ang police kag army forces sa nasambit nga banwa makaligad nga madakpan si Esmail sa ginpatigayon nga operasyon.
Kun madumdoman nga nagpain ang provincial government sang P1 milyon reward sa sin-oman nga makatudlo sa suspek.
