KORONADAL CITY- Ginpahugtan pa ang pagpatuman sang checkpoint sa nagkalain-lain nga mga entry kag exit points sa rehiyon 12 matapos ang nagluntad nga pagpasigabong sang Improvised Explosive Device sa isa ka mall sa Cotabato City.
Sa interbyu sang Bombo Radyo Koronadal kay 6th Infantry Division Philippine Army Spokesperson Major Arvin Encinas kadam-an sa mga pilason ang mga sidewalk vendors sa guwa sang South Seas Mall sa Magalles Street sa siyudad sang Cotabato.
Mas gindoble man ang pagpatrol sang militar kag kapulisan matapos ang nasambit nga pagsigabong kun diin ginahibalo pa kun sin-o ang mga terorista nga may kahimuan sang krimen.
Nahibaluan nga masobra 30 ang napilasan samtang duha naman ang napatay sa insidente.
Nagtuga naman sang kahadlok sa mga residente ang natabo.
