Ginpasiguro sang Maguindanao PNP nga nagapabilin ang hugot nga pagbantay sa seguridad sang publiko matapos ang nagluntad nga pagpangluthang nga nagresulta sa kamatayon sang isa ka biktima sa National Highway sa Datu Saudi Ampatuan.
Sa exclusive interview sang Bombo Radyo kay PCPT. Guisepe Tamayo, spokesperson sang Maguindanao del Sur Police Provincial Office, ginpahayag niya nga ang mga biktima nga pauli na kuntani halin sa Cotabato City sakay sang itom nga Nissan Livina sang sila gin-luthang sang sang mga hindi pa makilala nga mga suspek.
Suno sa iya, hinablos ni Shariff Aguak Mayor Datu Akmad Mitra Ampatuan ang napatay nga biktima nga ginkilala kay si Datu Gara Ampatuan, samtang pilason naman ang iya manghod nga si Datu Mama Ampatuan.
Bangud sini, ginpasiguro man ni Tamayo nga nagapadayon ang imbestigasyon sang mga otoridad agud gilayon nga matukiban ang yara sa likod sang krimen.
