Mas ginpabaskog sang US Secret Service ang security para kay Donald Trump matapos natukiban sang mga otoridad ang Iranian plot nga nagatuyo nga patyon ang anay Presidente.
Sandig sa isa ka report, ginpahayag sang otoridad sang US nga may nagpalab-ot sa ila sang plano sang Tehran batuk kay Trump, rason nga nagdesisyon ang mga ini nga mas pasangkadon pa gid ang pagprotekta sa anay US President.
Apang gin-athag man sang mga otoridad nga wala sang kahilabtanan ang Iranian plot sa natabo nga assassination attempt kay Trump sa campaign rally sini sa Butler, Pennsylvania kon sa diin gintiro ini kag naigo sa iya tuo nga dulungan.
Ginpatpat man sang US National Security Council nga ila ginasundan ang mga pagpamahog sang Iranian batuk sa anay mga opisyal sang administayon ni Trump bangud sang pagtimalos sang Tehran may kaangtanan sa 2020 killing sang Revolutionary Guards commander Qasem Soleiman.
Suno naman sa Top Secret Service spokesman nga si Anthony Guglielmi, padayon sila nga nagakabaton sang impormasyon angut sa potensyal nga pamahog apang ginpasalig nga ila ginahimo ang tanan agud gilayon ini nga maaktuhan.
