KORONADAL CITY- Nagapadayon sa gihapon ang imbestigasyon sang Lambayong PNP sa pagpangluthang patay sa isa ka gwardya sa isa ka negosyante sa bahin sang Lambayong Sultan Kudarat.
Sa impormasyon nga ginpalab-ot sa Bombo Radyo Koronadal, ginkilala ang biktima kay Rodrigo Fontanilla alyas Boy 52 anyos kag residente sang Brgy. Sadsalan, Lambayong Sultan Kudarat kaga naga ubra bilang gwardya sang isa ka negosyante nga pamilya.
Nagluntad ang pagluthang patay sa biktima sa Prk. Pasague Brgy. Sadsalan Lambayong Sultan Kudarat kun sa diin samtang nagamaneho ang biktima snag iya nga motorsiklo, gintarget ini sang riding-in-tandem kag ginluthang.
Nakaangkon ini sang 2 ka igo sang bala sa iya nga ulo nga nagresulta sa iya nga kamatayon.
Sa subong wala pa sang natumod nga suspek sa likod sang pagpatay sa nasambit nga security guard.
